У Беларусі пачалі закрывацца рэстараны хуткага харчавання «Тэхаская курачка», якія летась прыйшлі на месца Hesburger. Два з іх працавалі ў Бабруйску, паведамляе выданне «Вячэрні Бабруйск». «Люстэрка» паглядзела, колькі ў сеткі засталося установаў.
Праз менш чым пяць месяцаў працы ў Бабруйску закрыўся рэстаран хуткага харчавання «Тэхаская курачка». Са спасылкай на супрацоўніка сеткі выданне піша, што таксама перастала працаваць і ўстанова гэтай сеткі ў Брэсце.
Паводле звестак гандлёвага рэестра на 23 студзеня, у Беларусі працягваюць працаваць чатыры ўстановы сеткі «Тэхаская курачка», якія належаць кампаніі «Перфекта Фуд». Па адной у Магілёве, Бабруйску, вёсцы Вязань і ў Брэсце. Усе яны пачалі працаваць летась. Аднак на сайце сеткі фігуруюць усяго тры пункты: два ў Мінску і адзін у вёсцы Вязань Фаніпальскага сельсавета.
Нагадаем, «Тэхаская курачка» заняла месца фінскай сеткі рэстаранаў хуткага харчавання Hesburger, якая ў 2022 годзе пакінула беларускі рынак.
Чытайце таксама
