Самалёт авіякампаніі Air India, на борце якога знаходзіліся 242 чалавекі, пацярпеў крушэнне ў аэрапорце горада Ахмедабад на захадзе Індыі, паведамляе India.com.
На борце самалёта, як паведамляецца, было 242 чалавекі, пасля падзення ён загарэўся, на месца выехалі пажарныя.
Гаворка ідзе пра рэйс Ахмедабад — Лондан Гатвік AI171, паведаміла авіякампанія Air India.
«У цяперашні момант мы высвятляем падрабязнасці і апублікуем далейшыя абнаўленні найбліжэйшым часам», — расказалі ў кампаніі.
Індыйскі тэлеканал CNN News18 паведаміў, што на борце было 232 пасажыры і 10 членаў экіпажа, загінула як мінімум 40 чалавек.
Plane crashes near Ahmedabad airport. Ambulances arrive near the airport.
(This is a developing story)#ITReel #BreakingNews #Ahmedabad #Gujarat #PlaneCrash pic.twitter.com/ajlzWg7oS5
— IndiaToday (@IndiaToday) June 12, 2025
Паводле паведамленняў тэлеканалаў, катастрофа адбылася падчас узлёту самалёта. На кадрах відаць, як гараць абломкі, а ў неба над аэрапортам падымаецца густы чорны дым.
Мяркуючы са звестак сайта па адсочванні палётаў Flightradar24, упаў Boeing 787−8 Dreamliner — адзін з самых сучасных пасажырскіх самалётаў, якія знаходзяцца ў эксплуатацыі.
МЗС Беларусі паведаміла, што, паводле папярэдняй інфармацыі, грамадзян Беларусі на борце самалёта не было.
Паводле інфармацыі News18, на борце самалёта знаходзілася 169 індыйцаў, 53 грамадзяніны Вялікабрытаніі, сем партугальцаў і адзін пасажыр з Канады.